ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးထင်ကျော်ထံမှ (၇၁) ကြိမ်မြောက် ကုလသမဂ္ဂ နှစ်ပတ်လည်နေ့သို့ ပေးပို့သည့် သဝဏ်လွှာ

Printer-friendly versionSend by email

(နေပြည်တော်၊ မြန်မာ၊ ၂၀၁၆ ခုနှစ်၊ အောက်တိုဘာလ ၂၄ ရက်)

ကုလသမဂ္ဂသည် လွန်ခဲ့သော နှစ်ပေါင်း (၇၀) ကျော်ကပင် နိုင်ငံတကာ ငြိမ်းချမ်းရေးနှင့် လုံခြုံရေးကို ထိန်းသိမ်းရန်နှင့် စဉ်ဆက်မပြတ် ဖွံ့ဖြိုးတိုးတက်ရန် အဖွဲ့ဝင်နိုင်ငံများ၏ စွမ်းပကားကို ပေါင်းစည်းပေးသည့် အထင်ကရ အဖွဲ့အစည်း တစ်ခုအဖြစ် တာဝန်ထမ်းဆောင်လျက်ရှိပါသည်။ ကုလသမဂ္ဂ၏ (၇၁) နှစ်မြောက် နှစ်ပတ်လည် အခါသမယတွင် မြန်မာပြည်သူလူထု ကိုယ်စား မိမိအနေဖြင့် အထူးဝမ်းမြောက်ဂုဏ်ယူကြောင်း ဖော်ပြအပ်ပါသည်။

 

ကုလသမဂ္ဂစနစ်၏ မူဘောင်အောက်တွင် အမျိုးမျိုးသော ဆွေးနွေးပွဲများ၌ အဖွဲ့ဝင်နိုင်ငံများ စုစည်း၍ အငြင်းပွားမှုများကို ငြိမ်းချမ်းစွာအဖြေရှာခြင်း၊ ငြိမ်းချမ်းရေး သံတမန်များ စေလွှတ်ခြင်း၊ လူသားကြောင့် ဖြစ်သော ကပ်ဘေးများနှင့် သဘာဝဘေးအန္တရာယ်ဒဏ်ခံရသည့် ကမ္ဘာ့ပြည်သူများအတွက် ခိုလှုံမှုပေးခြင်း၊ လူ့အခွင့်အရေး ကာကွယ်မြှင့်တင်ခြင်းနှင့် ဖွံ့ဖြိုး တိုးတက်ရေး အကူအညီများပေးခြင်းတို့တွင် ထူးခြားသော အောင်မြင်မှုများ ရရှိလျက်ရှိပါသည်။

 

ငြိမ်းချမ်းရေး၊ လုံခြုံရေးနှင့် ဖွံ့ဖြိုးတိုးတက်ရေးတို့သည် အပြန်အလှန် ချိတ်ဆက် အမှီသဟဲ ပြုနေပါသည်။ ငြိမ်းချမ်းရေး မရရှိဘဲ စဉ်ဆက်မပြတ် ဖွံ့ဖြိုးတိုးတက်ရန် မဖြစ်နိုင်ပါ။ ဖွံ့ဖြိုးတိုးတက်မှုမရှိဘဲ ငြိမ်းချမ်းရေး မတည်မြဲနိုင်ပါ။ ဆင်းရဲနွမ်းပါးမှုကို အမြစ်ပြတ်သုတ်သင်နိုင်ရေးသည် ယနေ့ ကြုံတွေ့နေရသော စိန်ခေါ်မှု အများအပြားအား ဖြေရှင်းနိုင်မည့် နည်းလမ်းများအနက် တစ်ခုဖြစ်ပါသည်။ ထို့ကြောင့် ၂၀၃၀ ပြည့်နှစ် စဉ်ဆက်မပြတ် ဖွံ့ဖြိုးရေး ရည်မှန်းချက်များ အကောင်အထည်ဖော်ရေး လုပ်ငန်းစဉ်သည် ကုလသမဂ္ဂနှင့် အဖွဲ့ဝင် နိုင်ငံများအတွက် ဦးစားပေး လုပ်ငန်းတစ်ရပ် ဖြစ်နေပါသည်။ ယနေ့အချိန်အခါတွင် ကုလသမဂ္ဂသည် အားလုံး အတွက် ပိုမို ငြိမ်းချမ်း၍ သာယာဝပြောသော ကမ္ဘာကြီးတစ်ခု၊ ပိုမိုကြင်နာ၍ မေတ္တာတရားပြည့်ဝသော အိမ်ဂေဟာ တစ်ခု ဖြစ်စေလိုသော မိမိတို့၏ မျှော်လင့်ချက်များရှိရာ အသိုက်အမြုံတစ်ခု ဖြစ်နေဆဲ ဖြစ်ပါသည်။

 

ကုလသမဂ္ဂနှင့် ပူးပေါင်းဆောင်ရွက်ခြင်းသည် မြန်မာ့နိုင်ငံခြားရေးမူဝါဒ၏ အခြေခံ အုတ်မြစ် တစ်ခုဖြစ်ပါသည်။ ထို့ကြောင့် ကမ္ဘာ့အသိုက်အဝန်း၏ အဖွဲ့ဝင်တစ်နိုင်ငံဖြစ်သော မြန်မာနိုင်ငံသည် ကမ္ဘာ့နိုင်ငံများ အားလုံးနှင့် သက်ဆိုင်သော စိန်ခေါ်မှုများကို ဖြေရှင်းရာတွင် နိုင်ငံတကာ ပူးပေါင်းဆောင်ရွက်မှုများမှ တစ်ဆင့် ကုလသမဂ္ဂကို အခိုင်အမာ ထောက်ခံပြီး ဆက်လက်ပူးပေါင်းဆောင်ရွက်သွားမည်ဟု  သန္နိဌာန်ချမှတ်ထားပါသည်။

 

ကုလသမဂ္ဂ ပဋိညာဉ်စာတမ်းပါ ရည်ရွယ်ချက်များနှင့် မူဝါဒများအပေါ် မိမိတို့၏ ယုံကြည်မှုများကို ထပ်လောင်း အတည်ပြုရင်း ဤထူးမြတ်သည့် နေ့ရက်အခါသမယကို ဆင်နွှဲကြပါစို့။ လူသားအားလုံးအတွက် ပိုမို ကောင်းမွန်သော အနာဂတ်တစ်ခု ဖန်တီးနိုင်ရေးအတွက် ဖွံ့ဖြိုးတိုးတက်ရေး၊ ငြိမ်းချမ်းရေး၊ လုံခြုံရေးနှင့် လူ့အခွင့်အရေးဆိုင်ရာ ကိစ္စရပ်များကို  စိတ်အားထက်သန်စွာဖြင့် ကြိုးပမ်းဆောင်ရွက်သွားကြပါစို့။